التبول اللاإرادي و فوائد العسل الابيض 

طفللك بيعاني من مشكلة التبول اللاإرادي !

طفللك عمره أكبر من ٥ سنوات ولسه بيعانى من مشكلة التبول اللاإرادي!

زهقتي من أدوية التبول اللاإرادي وعايزة حاجة طبيعية تساعد طفلك في التغلب علي المشكلة دي مع الأدوية !

أهم نصائح لازم تاخدى بالك منها :

-تقليل الموالح والمشروبات الغازية والتي تحتوي علي كافيين زي الشاي .
-عدم ضرب الطفل أو تعريضه للإهانة من الأبويين .
-مساعدة الطفل علي التخلص من التوتر والعصبية وإحتواء الطفل.
-إيقاظ الطفل ليلاً ودخوله الحمام لأن مشكلة التبول اللاإرادي بتحدث ليلاً.
-تقليل شرب الماء قبل النوم بساعتين.

طيب يا دكتور ما أحنا عارفين الكلام ده

أيه الجديد ؟

إهدي عليا يا ست الكل وهقوللك

الباحثين وجدوا إن في مجموعة من الأعشاب الطبيعية بتساعد الطفل في التغلب علي المشكلة دي زي :

-عسل النحل: فوائد عسل النحل كتير ودى من أهم فوائدها لأن عسل النحل بيمتص السوائل من

 الجسم فبيقلل المشكلة دي بشكل كبير وكمان عسل النحل بيساعد علي تهدئه الأعصاب الطفل

 بياخد معلقة من عسل النحل صباحاً ومساءاً.

 -شاي البابونج : شرب شاي البابونج بعسل النحل مساءاً بيقلل المشكلة دي بشكل كبير. 

-الزنجبيل: شرب مغلي الزنجبيل بعسل طبيعي مساءاً مفيد في حالات التبول اللاإرادي.

-الزبيب الاسود: يخلط الزبيب بعسل النحل ويؤخذ معلقة قبل النوم وده بيعتبر حل ممتاز لمشكلة التبول اللاإرادي عند الأطفال.

العلاج بالأعشاب الطبيعية جنباً إلي جنب مع أدوية التبول اللاإرادي زي:

1-يوريبان شراب(Uripan Syrup)      أو    ديترونين شراب (Detronin Syrup)

الدوايين دول زي بعض هنأخذ واحد منهم .

الإثنين يحتويا علي المادة الفعالة اوكسي بيوتينين :

اللي بتساعد علي إرتخاء عضلات المثانة العصبية وتقليل الإنقباضات وبالتالي تقليل التبول اللاإرادي.

الإستعمال :معلقة صغيرة صباحاً ومساءاً

طيب يا دكتور من كام سنة يتم أخذ الدواء ده؟

من عمر ٥ سنوات

بالاضافه الي إن الطفل ممكن يأخذ

 2-دواء تفرانيل ٢٥ مجم أقراص  (Tofranil 25 mg Tablet)

اللي بيحتوي علي المادة الفعالة ايميبرامين:

اللي بتساعد بردو علي تقليل إنقباضات عضلات المثانة وتقليل التبول اللاإرادي .

الاستعمال :قرص واحد مساءًا قبل النوم بساعتين.

خدي باللك العلاج ده في حالات التبول اللاإرادي عند الاطفال الناتج عن مشكلات نفسية أو عصبية ودي بتشكل ٩٠%  من حالات التبول اللارإدي عند الأطفال

أما الأسباب المرضية فيتم علاجها تحت اشراف الطبيب المختص.